Saturday, April 10, 2010

குத்திக் கொல்லப்பட்ட ஹிஜாப் வீரப்பெண்மணி மர்வா அல் செர்பினி

https://blogger.googleusercontent.com/img/b/R29vZ2xl/AVvXsEjs3o72UlsYCryrOI4GGqGdLX6VJbepoSRHPdOjiToMRe8qkd8qrpXebv1NW_qhm_yhkks5bgyASGcXmypRMqw55h0rIHMSOYziawZTcckmle6G_tKimyup_351l3UXSJIiblQ3f_Ng6EA/s400/german.jpgமர்வா ஷெர்பினி 1977 ஒக்டோபர் 7 ஆம் திகதி எகிப்தில் பிறந்தார். இவரது பெற்றோர் அலி அல் ஷெர்பினி, லைலா ஷாம்ஸ் ஆகியோராவர். 1995 ஆம் ஆண்டு அந்நஸ்ர் பெண்கள் கல்லூரியில் தனது கல்வியை நிறைவு செய்த மர்வா, 2000-2005 வரை அலெக்ஸாந்ரியா பல்கலைக்கழகத்தில் மருந்தாளர் துறையில் கற்று பட்டதாரியானார். 1992-1999 வரையான காலப்பகுதியில் எகிப்து தேசிய வலைப் பந்தாட்ட அணியிலும் இடம்பெற்றிருந்தார்.
 
மர்வா ஷெர்பினி 2005 ஆம் ஆண்டு தனது கணவர் அலி உக்காஸுடன் ஜேர்ம னின் பிரேமன் பகுதியில் குடியேறினார். அவரது கணவருக்கு உயர் கல்வியைத் தொடர்வதற்கான புலமைப் பரிசில் ஒன்று மெக்ஸ்பிலேன் பல்கலைக்கழகத்தில் கிடைத்தமையே இக் குடியேற்றத்திற்கான காரணமாகும். உக்காஸ் அலி இம்மாதம் தனது ஆய்வுக்கட்டுரையை சமர்ப்பிக்க இருந்தார். இக்காலப்பகுதியில் மர்வா ட்ரஸ்டன் பல்லைக்கழகத்திலுள்ள மருந்தகம் ஒன்றில் பணியாற்றி வந்தமை குறிப்பிடத் தக்கது.

அன்றைய ஜாஹிலிய்யாக்களின் மிருக வெறிச்செயல் 
அம்மாரின் தந்தை யெமனிய கோத்திரமொன்றைச் சேர்ந்தவர். அவரும் அவருடைய இரண்டு சகோ தரர்களும் மக்காவிற்கு வந்தார்கள். சகோதரர்கள் இருவரும் மீண்டும் திரும்பி சென்றுவிட்டார்கள். யாஸிர் மாத்திரம் மக்காவில் இருந்தார். அவர் அபூ ஹுதைபா இப்னுல் முகீராவின் அடிமையாக இருந்தார். அபூ ஹுதைபா யாஸிருக்கு சுமையா பின்த் ஹையாத் என்ற பெண்மனியை மணமுடித்து வைத்தார். அவர்களுக்குப் பிறந்தவர் தான் அம்மார் (ரழி) அவர்கள்.
 
இஸ்லாம் வந்தபோது யாஸிரும் சுமையாவும் அம்மாரும் இஸ்லாத்தை ஏற்றுக் கொண்டனர். இதனால் மக் தூமி கோத்திரத்தினர் மிகவும் கோப மடைந்தனர். அவர்களை கடுமையாக வேதனை செய்தனர். ஒரு தடவை ரஸூல் (ஸல்) அவர்கள் இவர்களை கடந்து சென்றபோது வேதனை செய் யப்பட்டுக் கொண்டிருந்தார்கள். அப்போது ரஸூல் (ஸல்) அவர்கள் யாஸிரின் குடும்பத்தினரே பொறு மையாக இருங்கள். உங்களுக்கு வாக்களிக்கப்பட்ட சுவர்க்கம் இருக் கின்றதுஎன்று கூறினார்.
 
ஒரு தடவை அபூ ஜஹ்ல், சுமையா (ரழி) அவர்களிடம் வந்து நீ முஹம் மத் (ஸல்) அவர்களை அவரது  அழ கிற்காகவே விசுவாசித்திருக்கிறாய்என்று கூறினான். சுமையா (ரழி) அவர்கள் அவனது கூற்றிற்கு தனது வெறுப்பை வெளிப்படுத்தினார். அப் போது அபூ ஜஹ்ல் கூரிய ஈட்டி ஒன்றி னால் சுமையா (ரழி) அவர்களின் மர்மஸ் தானத்தில் தாக்கினான். அதனால், அவர் உயிரிழந்தார். அவர்தான் இஸ் லாத்திற்காக ஷஹீதான முதலாமவர்.

இன்றைய அறிவு முதிர்ந்த ஜாஹிலிய்யாக்களின் மிருக வெறிச்செயல் 
நீதிமன்றில்....
நீதிபதிகள் பார்த்திருக்க...
அன்புக் கணவருக்கும் மூன்றே வயது மகனுக்கும் முன்னால்...
ஒரு கர்ப்பிணித்தாய் 18 தடவைகள் கத்தியால் குத்திக் கொல்லப்பட்ட சம்பவம் பற்றி நீங்கள் கேள்விப்பட்டிருக்கிறீர்களா....?

http://infidelsunite.typepad.com/.a/6a0111685b4b71970c0120a597a619970c-800wi
"
மர்வா அல் ஷெர்பினி' எனும் 32 வயதேயான கர்ப்பிணித் தாய்தான் இவ்வாறு அநியாயமாகக் கொல்லப்பட்டார். ஐந்து வருடங்களுக்கு முன்னர்தான் "எல்வி அலி ஓகாஸ்' எனும் இளைஞரைக் கரம்பிடித்தார். ஓகாஸ் ஒரு பொறியியலாளர். ஷெர்பினி "மருந்தாளர்' துறையில் பட்டப்படிப்பை முடித்திருக்கிறார். இவர்களுக்கு முஸ்தபா எனும் பெயரில் மூன்று வயதில் ஒரு மகனும் இருக்கிறான்.

துருக்கியைச் சேர்ந்த இத்தம்பதியர் 3 வருடங்களுக்கு முன்னர்தான் ஜேர்மனியில் குடியேறினார்கள்.2008ஆம் ஆண்டு ஷெர்பினி தனது மகன் முஸ்தபாவுடன் வீதியில் நடந்து போய்க் கொண்டிருந்தார். அப்போது "அலெக்ஸ்' எனும் 28 வயது இளைஞன் ஷெர்பினியைப் பார்த்து "தீவிரவாதி' என அழைத்ததுடன் மிக மோசமான தூஷண வார்த்தை ஒன்றையும் பிரயோகித்துள்ளான்.ஷெர்பினி இஸ்லாமிய முறையில், ஹிஜாப் அணிந்திருந்ததே இவ்வாறு தூற்றப்படக் காரணமாகும்.

தன்னையும், தான் பின்பற்றும் மார்க்கத்தையும் தூற்றியமையால் ஆத்திரமுற்ற ஷெர்பினி "ட்ரெஸ்டன்' நகரிலுள்ள நீதிமன்றில் வழக்குத் தொடர்ந்தார். இந்த வழக்கு கடந்த ஜூலை முதலாம் திகதி விசாரணைக்கு எடுத்துக் கொள்ளப்பட்டது.வழக்கை விசாரித்த நீதிபதி அலெக்சுக்கு 780 யூரோ பணத்தை தண்டமாக விதித்தார். அப்போதுதான் அந்த அகோரச் சம்பவம் நடந்தேறியது.

திடீரெனப் பாய்ந்து வந்த அலெக்ஸ் தனது ஆடைக்குள் மறைத்து வைக்கப்பட்டிருந்த கத்தியை உருவி மூன்று மாதக் கர்ப்பிணியான ஷெர்பினியின் வயிற்றில் 18 தடவைகள் குத்தினான்.நீதிபதிகளும் நீதிமன்றக் காவலர்களும் பார்த்திருக்கவே இச்சம்பவம் நடந்தேறியது. அச்சமயம் அலெக்ஸை சுட்டுத் தள்ள வேண்டிய பொலிசாரோ தனது மனைவியைக் காப்பாற்ற முயன்ற ஓகாஸ் மீதே துப்பாக்கியால் சுட்டனர். இதனால் பலத்த காயமடைந்த ஓகாஸ் அவசர சிகிச்சை பிரிவில் அனுமதிக்கப்பட்டார். அப்பாவித் தாயான ஷெர்பினி நீதிமன்றத்தில் வைத்தே உயிர் துறந்தார். ஷெர்பினி மட்டுமல்ல அவர் வயிற்றில் சுமந்திருந்த மூன்று மாதக் கருவும் அங்கு உயிர் துறந்தது.மூன்றே வயதான மகனான முஸ்தபா முன்னிலையிலேயே அவனது தாய் உயிரைத் துறந்தார். தந்தை மீது துப்பாக்கிச் சூடு நடத்தப்பட்டது.

"
தீவிரவாதம்', "பயங்கரவாதம்', "மனித உரிமை' பற்றி அதிகம் கொக்கரிக்கும் மேற்குலகில் நடந்த இச்சம்பவம் முழு உலகையுமே அதிர்ச்சியில் ஆழ்த்தியுள்ளது. குறிப்பாக எகிப்தியர்களை பெரிதும் கொதிப்படையச் செய்துள்ளது.தனது மார்க்கத்திற்காக அதன்படி தனதுடலை மறைத்து வாழ்ந்தமைக்காக உயிர் துறந்த மர்வா அல் ஷெர்பினியின் ஜனாஸா நல்லடக்கம் கடந்த 6ஆம் திகதி எகிப்தின் அலெக்ஸாண்டிரா நகரில் இடம்பெற்றது. ஆயிரக்கணக்கான எகிப்தியர்கள் கலந்து கொண்ட இந் நல்லடக்க நிகழ்வில் ஜேர்மனுக்கும் யூதர்களுக்கும் எதிரான கோஷங்கள் வானைப் பிளந்தன. இஸ்லாத்திற்காக தன்னுயிர் நீத்த மர்வாவுக்கு ஆதரவாக இன்று சர்வதேச நாடுகள் பலவற்றிலும் ஆர்ப்பாட்டங்கள் இடம்பெற்று வருகின்றன. "ஹிஜாபுக்காக ஷஹீதான பெண்' என இவரை முஸ்லிம் உலகில் பலரும் வர்ணித்துள்ளனர். அத்துடன் எகிப்திலுள்ள அலெக்சாந்திரா நகர வீதி ஒன்றுக்கு மர்வாவின் பெயரை சூட்டுவதற்கும் தீர்மானிக்கப்பட்டுள்ளது.

ஆனால் துரதிஷ்டவசமாக மேற்குலக ஊடகங்கள் மர்வாவின் கொலையை மூடி மறைத்து விட்டன.இச்சம்பவம் குறித்து உலகின் கவனத்தை ஈர்க்கும் வகையிலான எந்தவொரு அறிக்கையிடலையும் மேற்குலக ஊடகங்கள் செய்யவில்லை. இதுகுறித்து கருத்து வெளியிட்டிருக்கும் துருக்கியின் அல்சுகூர் தினசரியின் ஆசிரியர் அப்துல் அஸீம் ஹம்மாத் ஒரு யூதர் இவ்வாறு கொல்லப்பட்டிருந்தால் மேற்கு ஊடகங்கள் அதற்கு அளிக்கும் முக்கியத்துவத்தை வார்த்தைகளால் வர்ணிக்க முடியாதிருந்திருக்கும் எனக் குறிப்பிட்டுள்ளார்.

இதேவேளை மர்வாவின் படுகொலை குறித்து உடனடி விசாரணைகளை மேற்கொண்டு கொலைகாரனான அலெக்சுக்கு உச்சபட்ச தண்டனை வழங்கப்பட வேண்டும் என மர்வாவின் சகோதரர் தாரிக் அல் ஷெர்பினி வேண்டுகோள் விடுத்துள்ளார்.அத்துடன் கடந்த இச்சம்பவம் குறித்து ஜேர்மன் அரசு உரியவிசாரணைகள் எதனையும் மேற்கொள்ளவில்லை என கண்டனம் வெளியிட்டுள்ள ஈரானிய தலைமை நீதிபதி ஆயத்துல்லாஹ் மஹ்மூத் சரோதி இச்சம்பவத்தின்போது நீதிமன்றில் பிரசன்னமாகியிருந்த அனைவரும் விசாரணைக்குட்படுத்தப்பட வேண்டும் எனவும் வேண்டுகோள் விடுத்துள்ளார்

இச்சம்பவம் பற்றி ஜேர்மன் அரசு இதுவரை உத்தியோகபூர்வமாக எந்தவொரு தகவல்களையும் வெளியிடவில்லை என எகிப்திய அதிகாரிகள் குற்றம்சாட்டியுள்ளனர.

அண்மையில் பிரான்சில் 'புர்கா' எனும் முஸ்லிம் பெண்கள் முகத்தை மறைத்து அணியும் ஆடையைத் தடை செய்வது குறித்து நிகலஸ் சார்கோஸி வெளியிட்ட கருத்து ஊடகங்களில் பெரும் கவனயீர்ப்பைப் பெற்றிருந்தது. சார்கோசியின் இந்த வெறுப்பேற்றும் கருத்து அலெக்ஸின் கொலை வெறிக்குப் பின்னணிக் காரணமாக அமைந்திருக்க முடியும் எனவும் விமர்சகர்கள் சுட்டிக்காட்டியுள்ளனர்.

இஸ்லாத்துக்கெதிராக மேற்குலக ஊடகங்கள் திட்டமிட்டு மேற்கொண்டுவரும் இவ்வாறான பிரச்சாரங்களே முஸ்லிம்கள் மீது வன்முறைகள் கட்டவிழ்த்துவிடப்படுவதற்கான காரணம் என்பதில் மாற்றுக்கருத்துக்கு இடமில்லை.

முஸ்லிம் தீவிரவாதி, முஸ்லிம் பயங்கரவாதி...போன்ற ஊடகங்களின் வார்த்தைப் பிரயோகங்கள்தான் அலெக்ஸ் போன்றவர்களை மூளைச்சலவை செய்கின்றன.உண்மையில் இவ்வாறான ஊடகங்கள் தமது கருத்துநிலை குறித்து ஒருகணம் சிந்திப்பதற்கு மர்வாவின் கொலை ஒரு நல்ல உதாரணம் எனலாம்.

உண்மையாகவே தான் அவமானப்படுத்தப்பட்டமைக்காக வன்முறைகளைக் கையாளாமல் நீதிமன்றத்தை நாடிய மர்வா தீவிரவாதியா? அல்லது நீதிபதியின் தீர்ப்பினால் கோபமுற்று ஓர் கர்ப்பிணித்தாயையே ஈவிரக்கமின்றி கொலை செய்த அலெக்ஸ் தீவிரவாதியா?

ஒரு பெண் கண்முன்னால் கொல்லப்படுகையில் அவளை காப்பாற்ற முனையாது வேடிக்கை பார்த்த ஜேர்மனிய பொலிசாரையும் நீதிபதிகளையும் இந்த ஊடகங்கள் எவ்வாறு வர்ணிக்கப்போகின்றன?

ஒரு கொலைகாரனின் கையில் அகப்பட்ட தனது மனைவியைக் காப்பாற்றுவதற்கான உரிமையைக் கூட வாங்காத ஜேர்மனின் "மனித உரிமை'யின் லட்சணம் இதுதானா?

மேற்குலகு முஸ்லிம்களுக்கெதிராக மேற்கொள்கின்ற இந்த நடவடிக்கைகள் ஒருபுறமிருக்க நாகரிகம் எனும் பேர்வையில் ஹிஜாபைக் கழற்றி எறிந்து விட்டு நடைபயிலும் "முஸ்லிம்' பெண்மணிகளே...உங்கள் எல்லோருக்கும் ஷஹீத் மர்வா அல் ஷெர்பினியின் தியாகம் உறைக்கிறதா என்ன?
 
 

0 comments: